Nhlanhla Rhulani Ridhimbi

Vuharhi byi ndzi harile! (eBook, ePUB)

• Format: ePub

Produktbeschreibung

Leswi Gavaza a nga swi koteki ku teka thyaka ra mufana, swi nga va swi vula yini hi Joel loko a titova leswaku a pfuka emilorhweni endzhaku ka loko Gavaza a lave ku n'wi tswontswa eka rin'wana ra masiku? A nga va o lorha kumbe va lava ku n'wi tswontswa hakanene ke?

Buku leyi yi andlala matikomelo yo biha na switandzhaku swa kona eswikolweni laha vadyondzi va hanyaka vuharhi hindlela yo rhandzana kun'we no tswontswana ejarateni ra xikolo. Va tshovelela nhundzu, va boxa fense ya xikolo, va dzaha swidzidziharisi, va lwa no ba vadyondzisi na swin'wana swo tala leswi swi va nghenisaka endzeni ka xidziva xa swiphiqo leswikulu, leswi swi xungetaka vumundzuku bya vona.

---

Dieser Download kann aus rechtlichen Gründen nur mit Rechnungsadresse in A, B, CY, CZ, D, DK, EW, E, FIN, F, GR, H, IRL, I, LT, L, LR, M, NL, PL, P, R, S, SLO, SK ausgeliefert werden.

Produktdetails

• Verlag: Nhlalala ya vulombe publishers
• Erscheinungstermin: 13. Oktober 2025
• Tsonga-Sprache
• ISBN-13: 9798232233587
• Artikelnr.: 75656483

Autorenporträt

Mavito ya mutsari ya helerile i Nhlanhla Rhulani Ridhimbi, xivongo xa yena xa ka Ridhimbi xi huma eka Rivimbi; ku lo endleka xihoxo loko ku endliwa pasi ra kokwana wa yena wa xinuna. Nhlanhla u velekiwe eGiyani emuga-ngeni wa ka Maxavele laha a nga sungula tidyondzo ta yena eMbhurheni Primary School hi lembe ra 2006. Kutani hi lembe ra 2011 u kumekile a ya tshama ka vakokwana wa yena ka Ximausa laha a nga dyondza giredi yin'we ntsena ePembelani Primary School, a tlhela a vuya a ta hetisisa tidyondzo ta yena ta le hansi eMbhurheni. Tidyondzo ta yena ta le xikarhi u tiyisile emahlweni eMalenga High School hi lembe ra 2013 laha a nga humesa Bachelor hi lembe ra 2017. Hi lembe ra 2018 xitsalwana xa yena xa dyondzo ya matimu (history) a xi tirhisiwa tanihi xikombiso xa matsalelo lamanene kusuka ka thicara Maceve R.F. loyi a nga sweka mutsari na le ka dyondzo ya Xilungu. Kona hi lembe ra 2018 u humesiwile eka nhlayo ya vadyondzi lava a va fanele ku tsala xikambelo (selection test) xo amukeriwa ka Journalism eTUT hikuva a tsandzeke ku fika hi nkarhi. Mutsari u lemukile rirhandzu na vuswikoti byo dyondzisa eka mikarhi leyi a nga tirha ku pfuneta eswi-koleni, kambe a nga si heta ku thwasela ku va mudyondzisi.

Kusukela hi lembe ra 2021 u kandziyisile mitirho yitsongonyana eka pilatifomo ya FunDza Litercy Trust laha vaseketeri a va tiluma titiho hi ku tsokombela ka switori swa yena. Hi lembe ra 2022 u kandziyisile buku ya yena yo sungula ya 'Who Should I Blame?'. Hi lembe ra 2024, xitlhoko-vetselo xa mutsari xa 'Ndzo Yingisela' xi wele ka switlhokovetselo leswi swi nga hlawuriwa hi va ka AVBOB ku swi kandziyisa eka pilatifomo ya vona.

Nhlanhla M.O.C (Man of Creativity) u na xivono eka vutsari bya yena, hi swona swi endleka leswaku a tiva leswi swi fanelaka ku va eka khavara ya tibuku ta yena. Vumbhoni byo kombisa leswaku u hiseka ku hlohletela dyondzo hi byi vona hi ku va a nga hleketanga kambirhi loko a ta va a komberiwile leswaku a ta pfuneta ku dyondzisa eMbhurheni swa xinka-dyana. Mutsari u tiyimisele ku mi nyanyula no endla leswaku dyondzo na xikolo ku va swilo swo tsakisa.